Gwella o ran cynnwys ac ymgysylltu â'r cyhoedd

Nod Canolfan PRIME Cymru yw gwneud yn siŵr bod ymchwil a gefnogir ganddi yn berthnasol i gleifion a'r cyhoedd, ac yn adlewyrchu eu profiadau, blaenoriaethau a safbwyntiau. Rydym felly yn cynnwys aelodau lleyg ym mhob agwedd o'n gwaith, gan gynnwys pennu blaenoriaethau, llunio syniadau a chwestiynau, gwneud ceisiadau am grantiau, ein dull o gynnal astudiaethau, dadansoddi, dosbarthu a chynllunio effaith.

Cynnwys aelodau lleyg wrth ddatblygu ymchwil

Fel arfer, caiff pob cais ymchwil ei gefnogi gan grŵp datblygu ymchwil sy'n cynnwys dau aelod lleyg. O fewn amserlenni'r cais, rydym yn gwneud yn siŵr bod eu barn yn cael ei chasglu a'i hymgorffori i'r ceisiadau a gyflwynir. Fel arfer, mae'r aelodau lleyg yn gyd-ymgeiswyr ar y ceisiadau. Mae'r testunau wedi cynnwys: cefnogaeth penderfynu a gofal canser mewn cartrefi gofal; safbwyntiau ynglŷn â chanser yr ysgyfaint a chanser y coluddyn; gwella gofal cyn mynd i'r ysbyty i gleifion gyda chyflyrau brys; rheoli heintiau; gwella gofal sylfaenol a gofal brys.

Er enghraifft, roedd dau aelod lleyg yn bresennol ym mhob cyfarfod i baratoi ar gyfer cais ariannu "Meddygon Teulu mewn Adrannau Brys" i NIHR (HS&DR, Ebrill 2016) ac roeddent wedi eu henwi'n gyd-ymgeiswyr. Ysgrifennodd yr aelodau lleyg y crynodeb lleyg, ynghyd â rhoi cyngor ynglŷn â chynnwys y cyhoedd yn yr astudiaeth arfaethedig, a rhoi sylwadau ar y dulliau ymchwil. Mae'r elfen o gynnwys y cyhoedd yn y cyfarfodydd astudio drwy gydol y prosiect wedi'i chostio'n lawn. Mae PRIME yn cefnogi nodi aelodau lleyg ar gyfer datblygu grwpiau datblygu ymchwil ac astudiaethau a ariennir. Mae'r holl drefniadau ar gyfer cynnwys y cyhoedd yn dilyn canllawiau arferion gorau er mwyn sicrhau hygyrchedd ac osgoi symboleiddiaeth.

Gwella o ran cynnwys ac ymgysylltu â'r cyhoedd

Cynnwys aelodau lleyg wrth ddatblygu ymchwil

Beth ydy ymchwil?